"Rusiyanın 40 500 hərbçisi məhv edilib" - Ukrayna Baş Qərargahı
"Rusiyanın 40 500 hərbçisi məhv edilib" - Ukrayna Baş Qərargahı
“Ukraynada müharibə başlayandan bəri Rusiya Silahlı Qüvvələrinin 40 500 hərbçisi məhv edilib”.
Xəbər verilir ki, bu barədə Ukrayna Silahlı Qüvvələrinin Baş Qərargahı məlumat yayıb.
Bildirilib ki, Rusiya Silahlı Qüvvələrinin digər döyüş itkiləri 1 749 tank, 3 987 zirehli döyüş maşını, 900 artilleriya sistemi, 258 reaktiv yaylım atəşi sistemi, 117 hava hücumundan müdafiə sistemi, 222 təyyarə, 190 helikopter, 731 PUA, 174 qanadlı raket, 15 gəmi, 2 870 avtomobil texnikası və avtosistern, 77 xüsusi texnikadan ibarətdir.
Məlumata görə, Rusiya ən çox itkini Donetsk vilayətinin Krivorojsk və Baxmut şəhəri istiqamətində verib.
Xatırladaq ki, Rusiya 2022-ci il fevralın 24-də Ukrayna ərazisinə hərbi müdaxilə edib.
Azadsoz.com
